Têkilî | Derheqê me de
ANHA

Cenazeyê şehîd Cezrawî li Tebqayê hate oxirkirin

Dîmen

TEBQA – Cenazeyê şervanê QSD‘ê Raîd Ebdulezîz (Cezrawî) yê ku li Reqayê şehîd bû bi merasînekê li mezara Şehîdan hate oxirkirin.TEBQA-OXIRKIRNA-SAHED (3)

Bi sedan şêniyên herêma Tebqa, Cirniyê û Caber cenazeyê şervanê QSD‘ê Raîd Ebdulezîz (Cezrawî) yê ku li Reqayê şehîd bû ji nexweşxaneya Wetanî ya bajarê Tebqayê wergirtin û bi kerwanekî erebeyan ber bi mezara Şehîdên Tebqayê ve bi rê ketin.

Li mezarê merasîmeke hate lidarxistin. Merasîm bi tûraneke leşkerî ji aliyê şervanên QSD‘ê û Hêzên Erka Xweparastinê ve dest pê kir.

Rêvebera Komîteya Karûbarên Malbatên Şehîdan a herêma Tebqayê Meryem El-Şerîf got “Şehîd bi xwîna xwe riya pêşerojê ji bo nifşên nû ronî kir û ji bo jiyaneke bi rûmet û azad xwe feda kirin.”

Hevseroka Komîteya Têkiliyên Giştî ya Rêveberiya Sivîl a Demokratîk a herêma Tebqayê Asya El-Xerbî jî axaftin kir ev tişt  got  “Ji xaka Firatê, xaka yek gelî ye, gelê ku li hember terorê şer îlan kir û ew jî herêmê qewitandin. Em soza xwe ya bi şehîdan re nû dikin ku em ê xeta wan bişopînin da tevahî herêmê ji terorê rizgar bikin.”

Ji fermandarên QSD‘ê Zinar Kobanê  got “Xeta şehîdan tu carî nayê rawestandin, em ê xwedî li wan derkevin û armancên wan bighêjin serî.”

Di merasîmê de her wiha bi naêv Meclîsa Lihevanînê ya êşîreyan Şêx Ferhan El-Emala ji malbata şehîda re sersaxî xwest û got zarên wan siwarên azadiyê û jiyana hevbeş in.

Nasnameya şehîd hate xwendin û radestî malbata wî hate kirin.

Girse derbestê şehîd li ser milê xwe hilgirtin û di nava dirûşme û tilîliyên dayika spartin axê.

(bb)

ANHA