Têkilî | Derheqê me de
ANHA

Kongreya PYDê ya Efrînê dest pê kir

EFRÎN – Sêyemîn Kongreya PYD`ê bi beşdarbûna 350 delegeyên ku nûnertiya hemû navçeyan,herêmên Şehba û Helebê dikin dest pê kir.EFRIN-DESPEKIRNA-KONGERA-SEYEMIN-PYD (1)

Sêyemîn Kongreya rêxistina PYD`ê ya Efrînê bi durişmeya “Ji Rojava ber bi Sûriyeke Demokratîk ve” îro di saetên sibê de bi beşdarbûna 350 delegeyên ku nûnertiya hemû navçeyên Efrînê, Şehba û Helebê dikin di Navenda Çand û Hunarê ya Efrînê de tê lidarxistin.

Salona kongreyê bi Posterên Rêberê Gelê Kurd Abdullah Ocalan û alên PYD`ê, TEV- DEM, Rêveberiya Xweseriya Demokratîk û YPJ/YPG`ê hat xemilandin, her wiha pankartên bi nivîsên “Bi cihanîna felsefeya Netewa Demokratîk misogeriya azadiya Rêbertiyê ye”, “Jina azad misogeriya Sûriya demokratîk e”, “Rêbaza şehîdan û Ramanê Rêbertiyê misogeriya bicihanîna azadiya gelan e” hatin dalqandin.

Hevseroka PYD`ê Asya Ebdullah, Nûnerên Sazî û desteyên Rêveberiya Xweseriya Demokratîk, Kongireya Star, Şervanên YPJ/YPG, Hêzên Asayîşê, Yekîtiya Êzidiyan, Buroya Têkiliyên a Şehba, Meclîsa Federaliya Bakurê Sûriyê, Partiya Demokratîk a Kurd a Sûriyê, Partiya Yekîtiya Demokratîk a Kurd li Sûriyê (yekîtî), Partiya Hevpeymana Niştimaniya Demokratîk a Sûriyê jî beşdarî kongreyê bûn.EFRIN-DESPEKIRNA-KONGERA-SEYEMIN-PYD (8)

Kongre bi rêzgirtinê dest pê kir. Paşê dîwana rêveberiya kongireyê ji 3 endaman hat hilbijartin û axaftina vekirinê ji aliyê Hevseroka PYD`ê Asya Ebdullah ve hate kirin./.

(rr/dc)

ANHA

EFRIN-DESPEKIRNA-KONGERA-SEYEMIN-PYD (3) EFRIN-DESPEKIRNA-KONGERA-SEYEMIN-PYD (4) EFRIN-DESPEKIRNA-KONGERA-SEYEMIN-PYD (2) EFRIN-DESPEKIRNA-KONGERA-SEYEMIN-PYD (5) EFRIN-DESPEKIRNA-KONGERA-SEYEMIN-PYD (6)