Têkilî | Derheqê me de
ANHA

Li Efrînê ji bo hersê têkoşeran qendîl û find hatin pêxistin

Dîmen

EFRÎN – Bi dehan ciwanên kantona Efrînê ji bo bîranîna hersê têkoşer Sakîne Cansiz, Leyla Şaylemez û Fîdan Dogan find û qendîl pêxistin.

Tevgera Jina Ciwan û Yekîtiya Ciwanên Rojava (YCR) şeva din li kantona Efrînê bi rasthatina 5`emîn salvegera şehadeta hersê têkoşeran li Qada Azadî ya bajarê Efrînê find û qendîl ku esmanê bajarê Efrînê ronî kiribûn, pêxistin. Qada çalakiyê  bi wêneyên her sê têkoşeran hate xemlandin.

Çalakiya ku bi dehan ciwan beşdar bibûn, bi deqeyeke rêzgirtinê dest pê kir. Paşê Endama Rêveber a Tevgera Jina Ciwan Gulê Cimo axivî û li ser navê ciwanan soza şopandina rêya hersê têkoşeran Sakîne, Fîdan û Leyla da.

Piştre ciwanan find û qendîl pêxistin û esmana bajarê Efrînê ronî kirin.

Çalakiya ciwnana  bi dûrişmeyênʺŞehîd nemrinʺ bi dawî bû.

(rr/kc)

ANHA