Têkilî | Derheqê me de
ANHA

Li pey Komkujiya Ermen birînên kûr mane

Dîmen

MÛRADA KENDA

QAMIŞLO – Yek ji malbatên Ermenî ku ji komujiyên Osmaniyan filitîn û koçî Rojavayê Kurdistanê bûne malbata Sarkîs e. Malbat êş û birînên ku nayê jibîrkirin di nava xwe de dipêje.Qam-Ji –komkûjiyê- Berê -Xwe -Dan -Rojava (3)

Di destpêka sedsala 20’an de Dewleta Osmanî li dijî gelê Ermen komkujiyeke mezin pêk anî. Li gorî agahiyan nêzî milyon û 500 welatiyên Ermenî di vê komkujiyê de hatin kuştin.

Ermeniyên ku ji destê Dewleta Osmanî ya dîktator filitîn jî di nava koçberiyê de xwe xelas kirin. Gelek ji welatiyên Ermenî berê xwe dane herêmên binxetê ango Rojavayê Kurdistanê û Sûriyeyê.

Yek ji malbatên ku ji komkujiyê xelas bûne malbata Sarkîs e. Ev malbat di sala 1923’iyan de ji bajarê Êlih ê Bakurê Kurdistanê koçî Rojavayê Kurdistanê bûye û li bajarê Qamişloyê bi cih bûye.

Welatiyê Ermenî Zûrhap Sarkîs ku niha li bajarê Qamişlo dimîne û karê dirûtinê dike qala Komkujiya Ermeniyan kir. Zûrhap ê di sala 1942’iyan de hatiye dinê li gorî agahiyên ji dapîr û bapîrên xwe girtiye, dibêje “Ap û xalên min jî di komkujiyê de hatin kuştin.”

Vî welatiyê Ermenî got ku ne tenê berê, niha jî dewleta Tirk êrîşên xwe yên li dijî pêkhateyan herêmê dewam dike.Qam-Ji –komkûjiyê- Berê -Xwe -Dan -Rojava (1)

Zûrhap balê dikişîne ku êrîşên li ser Ermeniyan bi dawî nebûne û eger Ermaniyek jî bimîne dewleta Tirk hewl bide jê xelas bibe.

Sarkîs gef û tehdîdên dewleta Tirk ên li dijî Ermeniyan jî bi bîr anî “Ji xwe dewleta Tirk ji me re gotiye yek ermenî hebe jî wê di nava komkujiyan re derbas bibe.”

Zûrhap ku malbata wî koçî Qamişloyê bûye di rewşên zehmet ên aborî de hatiye dinê û wî di zarokatiya xwe de dest bi kar kiriye. Ji bo bi malbata xwe re bibe alîkar ji xwendinê jî bê par maye.

Zûrhap di 16 saliya xwe de dest bi fêrbûna pîşeya dirûtinê dike. Piştre jî li bazara bajarê Qamişloyê kargeheke xwe ya dirûtinê vedike.

Zûrhap derheqê gelê Rojavayê Kurdistanê de jî ev tişt got “Malbata min ji komkûjiyê xelas bû û gelê Rojava me hembêz kir. Gelê Rojava nanê xwe bi me re parve kir. Li vir hemû pêkhate bi hev re di nava jiyana hevbeş jiyan dikin.”

(he)

ANHA