Têkilî | Derheqê me de
ANHA

Şehîd Yilmaz Kobanê hate oxirkirin 

KOBANÊ – Bi sedan şêniyên kantona Kobanê ya  herêma Firatê şehîdê Meclîsa Leşkerî ya Minbicê Yilmaz Kobanê ku  li bajarê Minbicê şehîd bibû, li Goristana Şehîd Dijle ya Kobanê oxir kirin.KOB-MERSIME-SEHID-YELMEZ-KOBANE (4)

Bi sedan şêniyên kantona Kobanê ji bo oxirkirina şehîd Abdullah Hemo (Yilmaz Kobanê) ku di 10`ê çile de li bajarê Minbicê şehîd bibû,  li Goristana Şehîd Dijle kom bûn.

Li goristanê merasîm bi toraneke leşkerî ji aliyê şervanên Erka Xweparastinê ve hate destpêkirin.

Paşê, ji  fermandarên Meclîsa Leşkerî ya Minbicê Azad Minbic axivî û gotʺBi destpêkirina şoreşê re, bi hezaran ciwanên  Rojava û Sûriyê tevlî hêzên ku parastina Bakurê Sûriyê dikin, bûn. Şehîd Yilmaz jî yek ji wan ciwanan bû û di oxira paratina welatê xwe de şehîd bû.ʺKOB-MERSIME-SEHID-YELMEZ-KOBANE (1)

Azad da zanîn ku şehîd Yilmaz ji roja tevlîbûnê ta roja şehadetê her tim di eniyên herî pêş de bû û parastina gelê herêmê dikir.

Bi navê Rêveberiya Xweseriya Demokratîk a Kobanê Bekir Cerade axivî û got ku şehîd Yilmaz yek ji ciwanên herêmê ku bi erka parastina welat  girte ser milê xwe.

Di berdewamiya merasîmê de, wesîqeta şehadetê ya Yilmaz hate xwendin û radestî malbatê hate kirin.

Di heman demê de, keça apê şehîd Yilmaz, Sedîqa Hemo ji bo şopandina rêya  kurê apê xwe tevlî YPJ`ê bû û soza tolhildanê ji bo hemû şehîdan dan.

Bi dûrişmeyên dilsoziya bi şehîdan re, têkoşer Yilmaz hate oxirkirin.

(kc)

ANHA

KOB-MERSIME-SEHID-YELMEZ-KOBANE (3) KOB-MERSIME-SEHID-YELMEZ-KOBANE (5) KOB-MERSIME-SEHID-YELMEZ-KOBANE (6)